സ്വപ്നം
കൂരിരുട്ടിന് അഗാഥതയിലോ
പുലര്ക്കാലം വിടരുന്നതിനു മുമ്പൊ-
ഞാനുറങ്ങിയില്ല
ഉണരാനുമായില്ല.
ഏതൊ പ്രജ്ഞയുടെ നിരാലംബമാം
അവസ്ഥയിലാണു ഞാന്.
എന്റെ ഹൃത്തില് സന്തോഷമുണ്ട്,
സന്ദേഹങ്ങളുണ്ട്.
സുപരിചിതമുഖങ്ങളോട് സംസാരമുണ്ട്,
ചിരിക്കുന്നുണ്ട്.
കുട്ടികളോറ്റു കളിയുണ്ട്, തമാശയുണ്ട്.
മുതിര്ന്നവര്ക്കായ് ബഹുമാനമുണ്ട്
ആരൊടൊക്കെയോ ആവശ്യത്തിനു
ദേഷ്യപ്പെടുന്നുമുണ്ട്.
പിന്നീടാരുമായോ വഴക്കിട്ടു
തല്ലുകൂടുന്നു.....!
അറിയാതെ പിന്കാലൊരു
കല്ലില് തട്ടിയിളകിഞാനൊരു
അഗാഥ ഗര്ത്തത്തിലേക്കു വീഴുന്നു.
വിയര്ത്തു, വിവശനായ് മിഴികള് തുറന്നപ്പോള്
കണ്മുന്നില് തെളിയുന്നതോ.....
കട്ടിലിന് കാലുകള്.
ഇതുവരെ ചിരിപ്പിച്ച, ചിന്തിപ്പിച്ച,
പ്രവര്ത്തിപ്പിച്ച, പിന്നീട് പേടിപ്പിച്ച
ഈ അവസ്ഥയോ സ്വപ്നം...............?????
1 comment:
ഇവിടെയും സ്വപ്നം.
കൊള്ളാം.
-സുല്
Post a Comment