Tuesday, November 1, 2011
പ്രിയ കൈരളിക്ക്
പ്രിയ കൈരളിക്ക്,
ഇന്ന് നിന്റെ പിറന്നാള് ദിനം........നിനക്കെന്റെ ഹൃദയം നിറഞ്ഞ പിറന്നാള് ആശംസകള്..........നീ എന്റെ ആത്മാവിന്റെ ഉള്ത്തടത്തില് ഉറഞ്ഞുപോയ മോഹമാണ്........എന്റെ ഹൃദയത്തിന്റെയും സത്തയുടെയും ഭാഗമാണ് നീ.........നിനവിലും, കനവിലും നീ മാത്രം.......നിന്റെ കാന്തവലയത്തില് നിന്നും മുക്തി ലഭിക്കാതെ ഞാനീ മണലാരണ്യത്തില് നീറിപ്പുകയുകയാണ്..........നിന്നില് നിന്നകലാന് ശ്രമിച്ചപ്പോഴൊക്കെ ഞാന് തോറ്റുപോയി..........വീണ്ടും നിന്നെ തേടി ഞാനെത്തി,നിന്റെ മാറിന്റെ ചൂടേററു ഞാന് മയങ്ങി.......നീയെനിക്കായി പച്ചപരവതാനി വിരിച്ചു തന്നു,അതില് വസന്തങ്ങള് കൂടുകൂട്ടി.........ഇളം കാറ്റില് നീ താരാട്ടിന് ഈണം മൂളി തന്നു........എന്റെ മനസ്സിന്റെ താളത്തിനൊപ്പം നീ മഴയായെന്നില് പെയ്തിറങ്ങി..........ഞാന് നിന്നിലൂടെ മാത്രം എന്റെ ലോകത്തെ നെയ്തെടുത്തു..........എന്നിട്ടും......
നീയോര്ക്കുന്നോ...?? ഒരിക്കല് ഞാന് ""നിന്നെ വെറുക്കുന്നു"" എന്നും പറഞ്ഞു യാത്രയായത്..........അപ്പോള് നീ പറഞ്ഞിരുന്നു എനിക്ക് ഭ്രാന്താണെന്ന്.......അതെ എനിക്ക് ഭ്രാന്ത് തന്നെയാവണം......ഏതു കല്തുറങ്കിലടച്ചാലും, ഏതു ചങ്ങലയില് ബന്ധിച്ചാലും നിന്നെ തേടി വരുന്ന ഭ്രാന്ത്........മറക്കാന് ശ്രമിച്ചപ്പോഴൊക്കെ കൂടുതല് കൂടുതല് നിന്നിലേക്ക് വലിച്ചടുപ്പിക്കുന്ന ഭ്രാന്ത്.......ഇപ്പോള് വീണ്ടും നീയെന്നെ യാത്രയാക്കിയിരിക്കുന്നു..........അതും കടലിനക്കരയിലേക്ക്........
ഞാനിത് ഇവിടെ അവസാനിപ്പിക്കുന്നു.......ഇത് തുടരുവാന് എനിക്കാവുന്നില്ല........ഞാന് തളര്ന്നു പോകുന്നു.........തളര്ച്ച ഞാന് കാര്യമാക്കുന്നില്ല, എന്നാല് തകര്ച്ച അത് പാടില്ലത്രെ ഒരു പ്രവാസിക്ക്.........ഇവിടെ ഞാനെന്ന സഞ്ചാരി ഒററക്കാണ്.........ഇപ്പോള് സമയം പാതിരാവായിരിക്കുന്നു, എങ്ങും ഇരുട്ടുമാത്രം...........ഈ കൂരിരുട്ടില് നിന്റെതായ, നീ എനിക്കായി മാത്രം സമ്മാനിച്ച കുറെ ഓര്മ്മകളുമായി ഞാന് പതുക്കെ.......പതുക്കെ.......ഉറക്കത്തിലേക്ക്..........
Subscribe to:
Post Comments (Atom)
1 comment:
കേരളത്തെ കുറിച്ച് ഹൃദയസ്പര്ശിയായ പോസ്റ്റ്. എല്ലാ പ്രവാസികളുടെയും സ്വകാര്യനൊമ്പരങ്ങള് നന്നായി വരച്ചു കാട്ടി..
Post a Comment