നീ അന്നേതോ രാവില്
നീലമഞ്ഞില് വിരിഞ്ഞെന്
കണ്മുന്നില് മിഴിചിമ്മിയോ.....
പൊഴിഞ്ഞുവീഴുന്ന മഞ്ഞുതുള്ളികള്
പ്രണയപാരവശ്യത്താല്
നിന്റെ ചുവന്ന ദളങ്ങള്ക്കുള്ളി-
ലൊളിക്കുവാന് വെമ്പുന്നോ.....
ഓ, മറന്നുപോയി
നാളെയാണല്ലോ അല്ലെ
ആ ദിനം....ഫെബ്രുവരി-14
നിനക്കതിരാവിലെ ഒരുങ്ങണമല്ലൊ
പ്രണയാക്ഷരങ്ങളാല് നിറച്ച ബഹു-
വര്ണ്ണപത്രങ്ങള് പലതും ധരിച്ച്
ചിത്രനൂലുകള് കൊണ്ട് ടൈ കെട്ടി
പ്രണയനാടകങ്ങള്ക്ക് ചെവിയോര്ത്ത്
ആണില് നിന്നു പെണ്ണിലേക്കും
പെണ്ണില് നിന്നു ആണിലേക്കും
പല കൈ മറിഞ്ഞ്
പല മെയ് ഉരുമ്മി
ചവറു കൂനയിലേക്ക്.......
ഇനി ഞാന് തന്നെ മുഴക്കാം
നിന്റെ യാത്രക്കുള്ള ആദ്യ വിസില്.....
No comments:
Post a Comment