ചെമ്പരത്തി
വാക്കിനാല്‍ തീര്‍ത്ത
വസന്തങ്ങളില്‍
പൂത്ത ചെമ്പരത്തീ
വാക്കൊടുങ്ങിലും
നീ വാടി വീഴാതിരിക്കണം
വേരറ്റ പ്രണയത്തിന്‍ ചുവപ്പുമായ്
ഇനിയെന്റെ പുലരികളില്‍
നീ ചുവന്നു പൂക്കില്ല
എന്റെ ചക്രവാളങ്ങളില്‍
നീ അസ്തമിക്കുമ്പോള്‍
അവശേഷിക്കുന്നത്
ചിതറിയ പ്രണയാക്ഷരങ്ങളില്‍
കുറുങ്ങി മുറിവേറ്റ
പാതി ഹൃദയം മാത്രം
അരുത്,നീ എന്നില്‍ നിറച്ച
സ്നേഹത്തിന്റെ ഒരു കണികപോലും
തിരിച്ചെടുക്കരുത്
അകാരണമായി മഴപെയ്യുന്ന
ഈ ഹേമന്ത രാത്രിയില്‍
ഞാന്‍ സ്വസ്ഥമായുറങ്ങട്ടെ
നീയെന്റെ സ്വപ്നങ്ങളില്‍
വിരുന്നു വരിക.......എന്നെ
തഴുകിയുണര്‍ത്തുക....പിന്നെ
എനിക്കു വേണ്ടി മാത്രമൊരു
വസന്തം തീര്‍ക്കുക......!!!
.jpg)
No comments:
Post a Comment